Arbër Veliaj, vëllai i kryebashkiakut të arrestuar të Tiranës Erion Veliaj ka dalë nga SPAK pas disa orësh që është marrë në pyetje. Gjatë daljes ai u tha gazetarëve se kishte ardhur vullnetarisht në SPAK për të shprehur gadishmërinë e tij për të bashkëpunuar me këtë institucion.
Ky është i njëjti version që edhe vëllai i tij, Erion Veliaj ruajti në paraqitjet e tij të para në SPAK, por që rezultoi një gënjeshtër pasi prokurorët i publikuan në media fletën e thirrjes.
SPAK ka urdhëruar në muajin dhjetor të 2024 kontrolle në bizneset e Arbër Veliaj dhe sekuestrimin e celularit të tij në kuadër të hetimit të kryebashkiakut të arrestuar të Tiranës.
Erion Veliaj është marrë i pandehur për 4 akuza të rënda, bashkë me gruan e tij Ajola Xoxa, familjarë dhe bashkëpunëtorët të kësaj të fundit, biznesmenë, kompani e OJF.
Ditët e fundit, kryebashkiaku ka kërkuar në Gjykatën e Posaçme pavlefshmërinë e akteve të dosjes, duke pretenduar shkelje të rënda proceduriale të kryera nga SPAK.
