Moska ka thënë se duhet të jetë pjesë e çdo diskutimi ndërkombëtar mbi sigurinë e Ukrainës. Ministri i Jashtëm rus Sergei Lavrov, ka deklaruar sot se diskutimet rreth garancive të sigurisë pa Rusinë nuk mund të diskutohen pa Rusinë.
Lavrov kujtoi se propozimi i palës ukrainase, të cilin delegacioni rus e kishte pranuar, përfshinte, ndër të tjera, që anëtarët e përhershëm të Këshillit të Sigurimit të OKB-së, përfshirë Rusinë dhe Kinën, si dhe Shtetet e Bashkuara, Francën dhe Mbretërinë e Bashkuar, do të garantonin gjithashtu sigurinë e Ukrainës.
Duke folur për një samit të mundshëm, ai tha se është e nevojshme që të bëhen përgatitjet e nevojshme.
"Sidoqoftë, siç e kam thënë tashmë, ne jemi të gatshëm për çdo format, por kur bëhet fjalë për një samit, është e nevojshme ta përgatisim atë me kujdesin më të madh në të gjitha fazat e mëparshme, në mënyrë që samitet të mos rezultojnë në përkeqësim të situatës, por t'i japin fund vërtet negociatave që ne jemi gati të vazhdojmë", tha Lavrov.
Ndërkohë, luftimet vijojnë ndërsa forcat ruse po intensifikojnë presionin në veri të Donetskut.
Komandanti i Përgjithshëm i Ushtrisë Ukrainase Oleksandr Syrsky, i cili vizitoi njësitë luftarake në Oblastin e Donetskut, raportoi se rajonet ku situata është më e tensionuar mbeten Pokrovsk, Dobropillya dhe Novopavlovsk.
'Forcat ruse gjithashtu po rrisin presionin në veri të Donetskut, drejt Lymanit", shkroi ai në Facebook. Njësitë tona po zhvillojnë beteja të rënda mbrojtëse kundër forcave dominuese ruse, duke i sprapsur sulmet e tyre dhe gjithashtu duke kryer veprime aktive hakmarrëse", tha Syrsky.
Të paktën tre persona u vranë dhe katër u plagosën pas granatimeve në Kostiantynivka", raportoi Vadym Filashkin, guvernator i rajonit ukrainas të Donetskut, i cituar nga RBC-Ukrainë. Filashkin akuzoi trupat ruse për lëshimin e tetë raketave Smerch në qytet.
