Donald Trump dhe presidenti ukrainas Zelensky janë ulur së bashku në Zyrën Ovale, ku po flasin para gazetarëve.
Trump tha se mendon se Ukraina dhe SHBA-të do të zhvillojnë një takim trepalësh ku do të ketë një “shans të mirë” për t’i dhënë fund luftës.
“Është e vërtetë që Zelensky mund t’i japë fund luftës tani”, tha ai.
Zelensky nga ana tjetër tha se ukrainasit janë të fortë dhe se mbështesin planet e Trump për t’i dhënë fund luftës në një “mënyrë diplomatike”.
Ai tha se dëshiron të zhvillojë një takim trepalësh me presidentin e SHBA-së dhe atë të Rusisë, Vladimir Putin.
“Cili është mesazhi juaj për popullin ukrainas”, ishte pyetja e gazetarëve, për Donald Trump?
“Ne i duam ata”, tha shkurt Trump ndërsa pozoi për foto me Zelenskyn përpara se të dy të hynin brenda.
Trump e falenderoi Zelenskyn që shkoi sot në SHBA dhe tha se “po bëhet përparim” për t’i dhënë fund luftës midis Rusisë dhe Ukrainës.
