Flash

Flamingot zbuluan hendekun shqiptar

Kini kujdes hendekun! Ky është mesazhi kryesor që del nga raporti i Komisionit Europian për Shqipërinë për vitin 2025, të...

12:31 Fred Abrahams

Arsenal e studioi rregullin e ri të 8 sekondave e do ta manipulojë: arbitri e kuptoi

Lapsi.al 18 August 2025
Arsenal e studioi rregullin e ri të 8 sekondave e do ta manipulojë:
Marsin e kaluar u aplikua një rregull i ri i futbollit, me qëllim të pengimit të humbjeve të kohës nga portierët: portierët kanë 8 sekonda për ta mbajtur topin në duar dhe nëse e kalojnë këtë kufi, i numëruar nga arbitri duke numëruar me gishtat e dorës së ngritur, hyn në fuqi sanksioni që konsiston në një goditje nga këndi e dhënë skuadrës kundërshtare. Premier League, që zhvilloi javën e parë fundjavën e kaluar, u përball me këtë rregull: Martin Dubravka ishte portieri i parë që ‘dhuroi’ një këndor gjatë Tottenham-Burnley (këtu poshtë video), ndërsa Arsenal nga ana e tij u përpoq ta manipulonte rregullin në avantazhin e vet, por gjeti një arbitër që ‘e kuptoi’ gjithçka dhe ia veniti tentativën e taktikës së menduar posaçërisht nga Gunners.

Taktika e Arsenal për ta kthyer rregullin e 8” në avantazh

Manchester United-Arsenal ishte ndeshja kryesore e javës së parë të Premier League: në Old Trafford u imponuan njerëzit e teknikut Arteta, falë golit vendimtar të shënuar nga Riccardo Calafiori, titullar fiks në të majtë të mbrojtjes me 4 të londinezëve. Gjatë ndeshjes u panë disa skena që e bënë të qartë se Gyokeres dhe shokët e tij ishin instruktuar nga trajneri i tyre lidhur me një strategji për ta kthyer në avantazh të tyre rregullin e ri. Gunners provuan ta ‘detyronin’ portierin e Red Devils në parregullsi, me pasojë një goditje nga këndi në favor të tyre.

Lexo më tej: Calafiori dënon United mes polemikave: Arsenal e nis me fitore, Amorim me ankesa

Situata u bë e qartë kur topi ishte në duart e portierit të United Altay Bayindir, i promovuar titullar nga Amorim në vend të Onana, zyrtarisht i dëmtuar (që ende konsiderohet si i mundshëm për t’u larguar). Sapo topi përfundonte në duart e portierit 27-vjeçar të kombëtares turke, lojtarët e Arsenal vraponin për t’i bërë presion duke i errësuar linjat e pasimit me duar: shpresa e tyre ishte ta detyronin Bayindir të mbante sferën më shumë se 8 sekondat e nevojshme për t’iu dhënë atyre një këndore. Për më tepër, të kesh një goditje nga këndi në favor nuk është diçka e parëndësishme për Gunners, që në dy sezonet e fundit kanë shënuar gjithsej 31 gola nga aksionet e këndeve (edhe goli i Calafiori kundër United erdhi kështu), plot 11 më shumë se e dyta në këtë renditje të veçantë, Liverpool. Plani megjithatë u hodh poshtë nga arbitri Simon Hooper, i cili e kuptoi gjithçka dhe nuk deshi të mbështeste këtë taktikë që në mënyrë të qartë shkonte kundër shpirtit të lojës. Arbitri në fakt u sigurua që lojtarët e Arsenal të largoheshin nga Bayindir para se të niste numërimin mbrapsht me gishtat. Pra, asnjë fishkëllimë dhe asnjë goditje nga këndi.

Të këshilluara

ide

MOTI TIRANA

35°c

KËMBIMI EURO

94.21

aktuale

Ndiqe Lapsin edhe në

Me interes nga publiku

Me sytë katër

PAPARAZZI