Një aksident me pasojë plagosjen e tre shtetasve të huaj është regjistruar në Ksamil. Ngjarja ka ndodhur në orët e para të së hënës, rreth orës 01.10, në hyrje të Ksamilit, në afërsi të një karburanti. Shtetasi turk, Deyvi Varon, duke drejtuar motorin ka humbur kontrollin duke dalë në trotuar.
Si pasojë ka marrë dëmtime këmbësori, shtetasi Italian, Salvatore Caruso, drejtuesi i motorit Deuvi Varon dhe pasagjeri i motorit shtetasi Mert Faro, i cili dyshohet se ka thyer këmbën.
Të plagosurit u transportuan për mjekim në Spitalin e Sarandës, ndërsa janë jashtë rrezikut për jetën. Pas kryerjes së testit të parë të alkoolit rezultoi me 1.48 mg/l, ndërsa testi i dytë 1.30 mg/l. Policia e Sarandës po punon për dokumentimin e plotë të ngjarjes.
