Një fluks i madh automjetesh është bërë ditën e sotme nga pika kufitare e Morinit deri te tuneli i Kalimashit. Për të përballuar fluksin, autoritetet kanë marrë masa si shtimi i patrullave të policisë rrugore dhe hapja e sporteleve shtesë nga firma koncesionare. Këto ndërhyrje kanë ndihmuar në menaxhimin e qarkullimit.
Ndërkohë drejtuesit e mjeteve thonë se po presin në radhë të gjata, kryesisht për të kryer pagesën. Rruga e Kombit mbetet lidhja kryesore mes Kosovës dhe bregdetit shqiptar, dhe çdo verë përballet me një ngarkesë të shtuar.
