Vatra e zjarrit vijon të jetë ende aktive në afërsi të Parkut Natyror të Gërmenjës. Situata paraqitet më e qetë sot, por rreziku mbetet sidomos në zonat kufitare. Shumica e vatrave ndodhen jashtë territorit shqiptar, por zjarri është ende i pranishëm edhe në anën tonë.
Gjithashtu në terren janë të angazhuara rreth 40 persona nga shërbimet zjarrfikëse, administrata e zonave të mbrojtura, bashkia dhe vullnetarë. Terreni është i vështirë për ndërhyrje dhe kërkon afro tre orë ecje për të mbërritur në zonën e prekur. Gjithashtu, zona është e rrezikshme për shkak të pranisë së municioneve të mbetura.
Prej tre ditësh po punohet për hapjen e rrugëve dhe krijimin e brezave mbrojtës, në përpjekje për të ndaluar përhapjen e zjarrit drejt zonës së mbrojtur të parkut. Sakaq, Situata më alarmante ishte ditën e djeshme, pasi flakët ishin për hapur masivisht dhe po favorizoheshin nga era e fortë.
