Një ngjarje e rëndë ndodhi rreth orës 19:00, në fshatin Mollaj të Korçës ku një 27-vjeçari i identifikuar si Ari Kodra është plagosur me thikë. Sipas policisë autor është Aleks Qiqi 41 vjeç.
27-vjeçari, po merr ndihmë mjekësore në spital ku është në gjendje të stabilizuar në sallën e reanimacionit ndërsa autori i dyshuar i ngjarjes është shoqëruar në Komisariat për veprime të mëtejshme.
Shërbimet e Policisë kanë gjetur dhe sekuestruar thikën që dyshohet se është përdorur në krim.
“Grupi hetimor nën drejtimin e Prokurorisë po punon për zbardhjen e rrethanave të ngjarjes” – thuhet në njoftimin e policisë.
Burime mediatike raportojnë se autori Aleks Qiqi ka qenë i dënuar për falsifikime, dhe vepra të tjera penale. Ka dalë pak kohë më parë nga burgu, i dënuar për drogë. Ai ka qenë i dënuar edhe në Greqi. ©LAPSI.al
