Takimet me “rrezik të lartë” zakonisht janë punë e një përgatitjeje të madhe. Në shumicën e rasteve, të dyja palët përpunojnë mjaft detaje përpara se udhëheqësit e tyre të ulen në tryezë.
Nga gjithçka që kemi dëgjuar deri më tani për këtë takim të organizuar me nxitim, Presidenti Trump në thelb po fillon nga një fletë të bardhë. Nuk është e qartë se çfarë do të dalë prej tij dhe çfarë dëshiron SHBA-ja të dalë prej tij.
Mantra e Presidentit Trump që kur u kthye në Shtëpinë e Bardhë ka qenë "ndaloni vrasjet". Ky është një qëllim urgjent dhe fisnik. Por ka një ndryshim shumë të madh midis ndalimit të vrasjeve dhe gjetjes së një rruge për t'i dhënë fund luftës dhe për të arritur një paqe të qëndrueshme.
Edhe vetëm ndalimi i vrasjeve është tepër kompleks. Është edhe më kompleks kur je përballë ish-shefit të spiunazhit dhe negociatorit më dinak, Presidentit Putin.
Por të dyja palët do të duan të dalin nga ky samit duke thënë se ka qenë një sukses.
Presidenti Trump tani thotë se dëshiron një armëpushim. Në muajt e fundit Presidenti Putin ka rënë dakord vetëm për armëpushime shumë të kufizuara. Ai me siguri ka përgatitur një formular fjalësh, kështu që shihet se po punon me Presidentin Trump.
Por nuk ka asnjë shenjë se ai është larguar nga qëllimi i tij afatgjatë: dominimit të Ukrainës. ©Nga Lyse Doucet, korrespondente kryesore ndërkombëtare në BBC. Përshtati në shqip LAPSI.al
