Janë mësuar detaje të reja nga ngjarja e rëndë që ndodhi në fshatin Pirg të Maliqit pasditen e kësaj të enjteje ku një 14-vjeçar u vra me thikë nga një moshatar i tij.
Erald Xhejdo nga fshati Zvirinë mori plagë të rënda nga përplasja që ndodhi në një lokal dhe nuk mundi të mbijetojë pavarësisht se u dërgua më urgjencë në spital. Autori është identifikuar si Enedio Guri nga fshati Leminot.
Sipas policisë, autori dhe viktima kanë pasur një konflikt më herët mes tyre, por ende mbetet e paqartë arsyeja. Burime në vendin e ngjarjes thanë se të miturit kishin lënë itakim për t’u sqaruar, por gjithçka përfundoi me përdorimin e thikave dhe sendeve të forta.
Edhe autori ka plagë në fytyrë të shkaktuara nga goditjet. 14-vjeçari është duke u marrë në pyetje në ambientet e spitalit të Korçës. Në vendin e ngjarjes ka ende gjurmë gjaku, karrige të rrëzuara dhe një tavolinë të rrëzuar ku besohet se ka nisur konflikti. ©LAPSI.al
