Një automjet është përfshirë nga flakët mbrëmjen e djeshme, në aksin rrugor që lidh Kuçin me Qeparonë, pranë urës së Laskos në afërsi te fshatit Kuç. Zjarri mund të jetë shkaktuar nga një shkëndijë elektrike që ka përfshirë motorin e mjetit, ndërsa qarkullimi në zonë ka qenë i rënduar për shkak të trafikut të mbrëmjes se djeshme.
Pavarësisht ndërhyrjes së zjarrfikësve, makina është djegur plotësisht. Në vendngjarje kanë shkuar edhe forcat e policisë, ndërkohë që makina ka qëndruar në rrugë deri në orët e vona të natës.
