Vatra e zjarri në Poliçan është vënë nën kontroll paraditen e sotme dhe flakët nuk përbëjnë më rrezik për zonat e banuara. Pavarësisht kësaj zjarrfikësit ndodhen në terren dhe po neutralizojnë vatrat e mbetura.
Zjarri nisi pasditen e djeshme në pyllin e Poliçanit, ku flakët shkrumbuan sipërfaqe me shkurre dhe pisha. Flakët përfshinë pjesën perëndimore të kodrës përreth Uzinës së Armëve, në afërsi të zonës B, ndërsa iu afruan banesave dhe spitalit të qytetit.
Një ditë më parë u evakuuan të moshuarit e azilit dhe disa familje që ndodheshin në Plirezë.
