Që në orët e para të mëngjesit të së shtunës, forca të shumta të Policisë së Shtetit kanë rrethuar godinën e News24.
Me presion të menjëhershëm, pa asnjë paralajmërim dhe pa vendim gjykate, Policia kërkon lirimin e ambienteve të redaksive News24, BalkanWeb, Panorama dhe Gazeta Shqiptare.
Në krye të uniformave blu ndodhet Ardi Veliu, si drejtues i shoqërisë “KAYO” i cili pretendon se godina i përket kompanisë së prodhimi të armëve.
Policia nuk lejon futjen e gazetarëve në ambientet e redaksisë. Më tej është ndërprerë edhe energjia elektrike duke paralizuar kështu punën e këtyre mediave.
