Presidenti i Ukrainës, Volodymyr Zelensky tha të hënën se trupat ukrainase po luftonin kundër “mercenarëve” të huaj nga vende të ndryshme. Zelensky ka thënë se bëhet fjalë për “mercenarë” nga vende si Kina, Pakistani dhe pjesë të Afrikës dhe u zotua për një përgjigje.
Zelensky më parë e ka akuzuar Moskën për rekrutimin e luftëtarëve kinezë për përpjekjet e saj të luftës kundër Ukrainës, akuza që Pekini i mohoi, ndërsa Koreja e Veriut ka siguruar gjithashtu mijëra trupa të veta në rajonin Kursk të Rusisë.
“Ne folëm me komandantët rreth situatës në vijën e frontit mbrojtjes së Vovchansk dhe dinamikës së betejave. Luftëtarët tanë në këtë sektor po raportojnë pjesëmarrjen e mercenarëve nga Kina, Taxhikistani, Uzbekistani, Pakistani dhe vendet afrikane në luftë. Ne do të përgjigjemi”, ka shkruar Zelensky në rrjetet sociale pasi vizitoi një zonë në vijën e frontit në rajonin verilindor të Kharkiv.
