Një plagosje me armë zjarri ka ndodhur mëngjesin e kësaj të enjteje në fshatin turistik të Borshit. Një person është plagosur me armë zjarri. Ngjarja ka ndodhur pas një debati mes dy shokësh në një lokal ku dhe kishin konsumuar alkool. Në konflikt e sipër njëri prej tyre ka nxjerrë pistoletën dhe ka qëlluar tjetrin. Mësohet se është plagosur Erald Shullazi, të cilin fatmirësisht plumbi e ka kapur në dorë.
Menjëherë pas ngjarjes, autori Albert Dollaku është larguar nga vendi i krimit. Personi i lënduar është transportuar në spital ku po merr ndihmën mjekësore dhe ndodhet jashtë rrezikut për jetën. Autori u identifikua dhe u vu në pranga. Ai është shoqëruar në ambientet e komisariatit ku ka dhënë dëshminë e tij dhe ka rrëfyer ngjarjen. Policia po vijon hetimet për të dokumentuar plotësisht rrethanat dhe motivet e kësaj ngjarjeje.
