Një aksident ajror raportohet se ka ndodhur ditën e sotme në Venezuelë, ku si pasojë shtatë persona kanë humbur jetën. Sipas mediave të huaja aeroplai ushtarak u rrëzua teksa fluturonte drejt një komuniteti indigjen në rajonin e Amazonës.
Gjithashtu raportohet se tre prej personave në bord u nxorën të gjallë nga rrënojat. Cessna C-208B u rrëzua 14 kilometra nga aeroporti që i shërben Puerto Ayacucho, në Venezuelën jugore. Midis pasagjerëve ishin anëtarë të fisit indigjen Yanomami.
Sipas ushtrisë, avioni po mbante anëtarë të komunitetit Yanomami në fshatin Parima B. Qeveria tha se bashkëpiloti dhe gjashtë të tjerë u vranë në aksident. Kapiteni i avionit ishte midis të mbijetuarve.
Cessna i përkiste një njësie të forcave ajrore që ka mbështetur njerëzit indigjenë të rajonit. Një tjetër C-208B nga e njëjta njësi u rrëzua në nëntor 2022 gjatë një fluturimi stërvitor, duke vrarë pesë oficerë.
