Karius gabon daljen dhe i hap portën sulmuesit: gafa është e pashpjegueshme

Loris Karius ishte protagonist negativ në miqësoren që Schalke 04 e humbi 4-2 ndaj Sevillës. Portieri gjerman u bë autor i një daljeje surreale që i hapi portën kundërshtarit, por sulmuesi i klubit spanjoll arriti të bëjë edhe më keq, duke gabuar me portën bosh si në gjuajtje, ashtu edhe në pasimin për shokun e skuadrës. Në Gelsenkirchen, ndeshja përgatitore për sezonin përfundoi 2-4 në favor të spanjollëve të drejtuar nga Matias Almeyda, por ajo që ra në sy ishte portieri i skuadrës gjermane, i cili gaboi në mënyrë të jashtëzakonshme kohën e daljes, por për fatin e tij të mirë, Idumbo e dërgoi topin jashtë me portën bosh.

Karius gabon në kohën e daljes dhe i hap portën sulmuesit

Loris Karius rikthehet të bëhet lajm. Portieri gjerman, që prej vitit të kaluar është te Schalke 04, ishte autor i një daljeje surreale në miqësoren ndaj Sevillës, e cila i hapi portën kundërshtarit, por sulmuesi i klubit spanjoll arriti të bëjë edhe më keq se gardiani përballë, duke humbur me portën bosh si gjuajtjen ashtu edhe pasimin për shokun e skuadrës.

?? Karius refait parler de lui... avec une sortie CATASTROPHIQUE. pic.twitter.com/bfLSxss0IR

— RMC Sport (@RMCsport) July 28, 2025

Gabimet e tij në finalen e Ligës së Kampionëve më 2018 me Liverpool-in kanë lënë një njollë në karrierën e tij dhe ka pasur një moment kur vetë lojtari ka pranuar se ishte afër tërheqjes. Pas huazimeve të ndryshme në Turqi, Gjermani dhe Angli, Karius kishte mbetur pa ekip dhe emri i tij ishte lidhur me disa skuadra italiane, por asgjë nuk u konkretizua. Në janar ai rifilloi nga Gelsenkirchen dhe gjeti sërish dëshirën për të qenë në fushë, dëshirë që dukej se e kishte humbur. Sevilla fitoi në “Veltins Arena” falë një dygolëshi të Akor Adams dhe golave të Iheanachos dhe Marcaos: është fitorja e parë e verës për skuadrën e Matías Almeyda. Për gjermanët shënuan Moussa Sylla dhe Mauro Zalazar.