Kenan Yildiz nuk është në shitje. Goditja e vërtetë e merkatos verore të Juventusit do të jetë qëndrimi i numrit 10 bardhezi, për të cilin Tudor çmendet dhe mbi të cilin drejtuesit e Zonja e Vjetër duan të ndërtojnë të ardhmen. Comolli e ka blinduar dhe mesazhi i dërguar për Chelsean, që ditët e fundit është paraqitur në Torino me një ofertë të pasur (65 milionë euro), është një mesazh për të gjitha klubet e mëdha të Europës: nuk ka shifër që mund ta lëkundë Juven, që tashmë po punon për rinovimin e “xhevahirit” të saj.
Blues, të freskët nga triumfi në të pasurin Botëror për Klube, kanë tentuar t’i dhurojnë trajnerit Enzo Maresca talentin turk me një ofertë shumë të rëndësishme, por drejtuesit bardhezi e kanë mbyllur menjëherë derën dhe kanë ngritur murin për të mbrojtur të përkëdhelurin e John Elkann dhe njeriun simbol të kursit të ri Comolli-Chiellini. Një tratativë që as nuk ka nisur, aq sa klubi anglez ka vendosur të ndryshojë drejtim dhe të synojë Xavi Simons të Leipzig.
Lexo më tej: Real e Barça hedhin sytë nga Yildiz, Juventus nxiton ta blindojë: detajet e ofertës
Një sinjal i fortë ky i dërguar nga Comolli, që dëshiron të ndërtojë një Juventus më të fortë dhe e konsideron Yildiz gurin e themelit të projektit të ri, aq sa tashmë po punon për të rinovuar kontratën e fantazistit, i cili jo më larg se dymbëdhjetë muaj më parë rinovoi deri në 2029 duke rritur pagën (1,5 milionë plus bonuse). Propozimi që po studiohet, shkruan La Gazzetta dello Sport, do të ishte një rinovim deri në 2030 me një rrogë në nivelin e të mëdhenjve të skuadrës: të paktën 4 milionë.
Një lëvizje tjetër për të mbrojtur xhevahirin e familjes nga ofensivat e klubeve të mëdha të Europës: rinovimi i Yildiz është një prioritet i çiftit Comolli-Chiellini dhe firma mund të vijë që në ditët e ardhshme.
