Prej 5 ditësh zjarri pranë Parkut të Llogarasë vijon të jetë aktiv. Flakët po përhapen, ndërsa ndërhyrja e zjarrfikësve vështirësohet nga terreni. Afro 80 forca të ushtrisë të ardhura nga Poshnja e Beratit, 20 zjarrfikës, emergjencat civile, banorë të zonës si dhe ADZM kanë nisur sot në orët e para të ditës luftën për të izoluar flakët. Ata po punojnë për mbajtjen nën kontroll të zjarrit i cili po djeg pisha, bredha dhe bimësi te ndryshme në malin e fshatit Dukat.
Situata vijon të jetë e rrezikshme pikërisht në zonën ku ndodhet mali i Dukatit me Llogaranë, ndërkohë dy helikopterë që po punojnë duke hedhur ujë në zonën malore.
