Adil Rami dërrmon Yamal: “Festa, diamant, pantallona të ulura. Si njeri them: ik q*u”

Lamine Yamal është bërë brenda një kohe shumë të shkurtër një nga futbollistët më të mëdhenj në botë. Vetëm 18 vjeç dhe tashmë konsiderohet si shtylla e brezit të ri të fenomenëve që do të çmendin tifozët gjatë viteve të ardhshme. Rinovimi milioner, fanella me numrin 10 te Barcelona dhe talenti i pabesueshëm i spanjollit e bëjnë Yamal një lojtar unik, por kohët e fundit ai ka përfunduar në qendër të polemikave. Festa për të festuar moshën madhore, ku për animacion kishte marrë disa persona me nanizëm, ka shkaktuar polemika të pafundme dhe një stuhi kritikash ndaj lojtarit. Ndërkohë, edhe një ish-futbollist i madh si Adil Rami është sulur kundër Yamal. Kampioni i Botës në Rusi 2018, gjatë një transmetimi direkt në kanalin e tij në Twitch, ka rrëfyer se “nuk e duron më” yllin e Barcelonës. Ish-mbrojtësi francez nuk i kurseu fjalët për të denoncuar sjelljen e Yamal, që sipas tij është krejtësisht e papranueshme. Rami madje ka shkuar edhe më tej duke e fyer. “Kanë kaluar dy muaj që, si njeri, nuk e duroj dot më,” tha ai. Ish-mbrojtësi i Marsejës dhe Sevillës, me një të kaluar edhe te Milani, tha se është lodhur nga qëndrimi i yllit të Barcelonës: “Nuk më plas fare për ata që nuk janë të kënaqur me atë që them, si tifozët e Barcelonës, tifozët e Lamine Yamal… Nuk më plas fare – shton më tej – Si futbollist s’kam ç’të them, është një yll, do të fitojë patjetër Topa të Artë, Kupa të Kampioneve dhe gjithçka doni ju. Por si njeri, ik q*u,” i thotë Adil Rami kamerës. Ajo që i ka acaruar nervat e Rami ka qenë qëndrimi i treguar nga Yamal ndaj një kampioni si Cristiano Ronaldo.

« ??????????? ? ?? ???? ???? ?? ?? ???? ! ?? ?? ????? ??? ?*** ! » Le pétage de plombs d'Adil Rami sur Lamine Yamal ! ?⬇️ pic.twitter.com/zLcEUGxaeP

— Instant Foot ⚽️ (@lnstantFoot) July 23, 2025

Kritikat e Rami ndaj Yamal që shkojnë përtej futbollit

“Më irritoi mënyra se si i shtrëngoi dorën. Aty filloi gjithçka. Duke parë edhe videot që bënte pas shpine ku fliste për të, nuk më pëlqeu fare – ka shpjeguar francezi, i cili më pas ka dalë përtej futbollit duke kritikuar jetën e tij të natës, zgjedhjet për modën dhe marrëdhëniet e supozuara sentimentale. – Shetit me pantallona të ulura, mban stoli gjigante, sillet që tani si një superstar. Ai stil ka një histori, a e di të paktën çfarë përfaqëson?” Rami më pas përfundon: “Tani bën festa, tashmë po bën lajm. Prit pak, o p… Tani ka marrë fanellën me numrin 10, mban diamante gjigante sikur të ishte në Hollywood, mendon se është amerikan. Është frustrim dhe bezdi, një telash i madh.” Sigurisht kanë qenë të shumta kritikat ndaj Rami-t, sidomos për fjalorin e ashpër të përdorur për të gjykuar sulmuesin e ri të Barcelonës.

Rami në rrjetet sociale sqaron pastaj arsyetimin e tij për Yamal

Rami është detyruar të rikthehet mbi këtë çështje pasi pa reagimin e mediave dhe tifozëve ndaj fjalëve të tij. Në llogarinë e tij në Instagram ish-mbrojtësi ka publikuar një postim: “Zbuluar se jam në mes të një situate të keqe. Prandaj, sqaroj, sepse është keqkuptuar qartësisht: nuk i referohesha futbollistit Lamine Yamal, as talentit të tij (që është i jashtëzakonshëm, nuk kam çfarë të them për këtë), por disa sjelljeve të fundit që sipas meje parashikojnë një të ardhme paksa të pasigurt nëse gjërat vazhdojnë kështu.” Rami më pas shton edhe: “Sigurisht ishte një metaforë (pa dyshim e çalë) dhe jo një fyerje për nënën ose familjen e tij. Gjithsesi shpresoj që të arrijë të qartësojë mendimet e tij sepse ka potencialin të lërë gjurmë në epokën e tij…”