Një zjarr i madh ka përfshirë një masiv pyjor në fshatin Shkopet. Flakët janë përhapur duke djegur dy banesa, Zjarri shpërtheu rreth një orë më parë dhe përbën rrezik edhe për banesat e tjera në zonë.
Fatmirësisht, në momentin e shpërthimit të zjarrit, në banesat e djegura nuk ndodheshin persona brenda. Megjithatë, dëmet materiale janë të konsiderueshme dhe situata mbetet kritike. Aktualisht, vetëm banorët e zonës po përballen me flakët, duke u përpjekur me mjete rrethanore të ndalojnë përhapjen e zjarrit në banesat e tyre.