Juventus shet, por jo shumë. Nëse është e vërtetë që në këtë fazë do të ishte e gatshme të bënte edhe ndonjë sakrificë për të thyer fazën e bllokimit të merkatos dhe për të liruar burime të dobishme për të zhbllokuar merkaton e hyrjeve, ka shtylla që nuk preken sepse janë qendrore në ciklin që klubi synon të zhvillojë. Pronarët kanë vënë veton mbi pjesët më të çmuara: nga Cambiaso te Yildiz, kush ka një status të përshtatshëm për futbollin evropian duhet të “bllokohet” te Continassa. Të shohim pra kush janë senatorët e rinj të dhomës së zhveshjes juventine.
Kush janë 6 të paprekshmit?
Për mënyrën si është futur dhe ka reaguar në fushë, Di Gregorio është fort i qëndrueshëm te Juventus. Në Premier League kishin menduar për të, por portieri ka treguar një interes më të madh për të qëndruar dhe klubi ka vlerësuar sjelljen kaq të pjekur dhe të kujdesshme në rrugëtim. Ka premisa për një qëndrim të gjatë në Torino.
I gatshëm kontrata e re me besim të rinovuar. Gatti është mbrojtësi i referencës që Juve do të mbajë në shtëpi për disa vite të mira, me bashkëndarjen e plotë të lojtarit për të përfaqësuar vlerat e klubit. Ka pasur disa sondazhe për të, por nuk ka pasur kurrë hapje as nga ana e tij e aq më pak nga klubi.
Sirenat angleze të disa muajve më parë janë ndalur jo sepse nuk ka më interes për të, por sepse – në fazën e planifikimit – është identifikuar mes shtyllave kryesore të ciklit të ri. Së shpejti do të ulet me klubin për të rinovuar kontratën dhe për ta zgjatur me përshtatje të pagës në nivel topi.
Lexo më tej: Real e Barça hedhin sytë nga Yildiz, Juventus nxiton ta blindojë: detajet e ofertës
Kapiteni nuk preket. Locatelli është brenda projektit Juventus dhe nuk ka dinamika merkatoje që ta ndryshojnë këtë. Qysh verën e kaluar ndonjë klub anglez ishte vënë në gjurmët e tij, por për Juven nuk ka hapësirë diskutimi.
Që një Thuram e ka pasur të lehtë të kuptojë si të përshtatet më së miri në realitetin e Juves, ishte mjaft e parashikueshme. Por Khephren ka shkuar përtej dhe për pak muaj ka fituar një vend titullari absolut. Aktualisht nuk ka asnjë hapje për një shitje: i shtohet listës së atyre pa çmim.
Nuk mjaftojnë 100 milionë, Yildiz nuk ka çmim. Elkann ka vendosur kështu: turku do të jetë qendror dhe simbol i ciklit të ri. I paprekshëm për sa i përket merkatos: e gatshme kontrata e re që do të zgjasë afatin deri më 2030 dhe do t’i njohë një pagë prej lojtari top i skuadrës.
