Mbetet një muaj nga fillimi i Serie A, me skuadrat në grumbullim dhe merkatoja që po hyn gjithnjë e më shumë në fazën e saj më të nxehtë. Sytë janë të drejtuar nga shumë trajnerë të rinj të kampionatit, duke filluar nga Massimiliano Allegri, i kthyer te Milani pas 11 vitesh. Një mision i vështirë, të paktën sipas fjalëve të ish-trajnerit të tij Giovanni Galeone, i cili e ka trajnuar Max në kohën e Pescaras. “Ka ngrënë një supë të ringrohur me Milan dhe rrezikon”, janë fjalët e qarta të dhëna për gazetën Libero nga Galeone.
Allegri e Vlahovic...
Ish-trajneri, sot 84 vjeç, është i sigurt: “Nuk do të ketë të njëjtin Milan si dikur, kur stërviste Ibran, Seedorf dhe Cassano. Por ka një avantazh ndaj trajnerëve të tjerë që kanë drejtuar Milanin kohët e fundit: duke nuhatur momentet e ndeshjes, do t’i përshtatë lojtarët me kontekstin.” Rrugë e vështirë për teknikun Allegri te Milani, pra, ashtu si për Tudor te Juventus: “Rikuperon Bremer dhe David është një blerje shumë e mirë, por do të ketë vështirësi. Problemi i vërtetë është Vlahovic, fiton 1 milion në muaj dhe nuk arrin të ndalojë një top…”.
Nga Inter, te Conte e Gasperini
Më shumë besim Galeona ka për Inter dhe Napolin: “Zikaltërit po rindërtojnë pas fundit të sezonit të kaluar, Lookman është një ide e mirë. Conte është sërish favorit për titullin kampion.” Dhe Gasperini? “Është shumë i zoti, por edhe i prekshëm dhe i brishtë. Në Romë do të ketë më shumë vështirësi se në Bergamo.” Pastaj një mendim për Fiorentinën: “Mund të jetë surpriza”, përpara se të mbyllë me Kombëtaren: “Norvegjia është më e fortë se ne, i shkreti Ringhio.”
