Një vatër zjarri e aktivizuar në zonën e Sotiranit, në fshatin Dukat, Njësia Administrative Orikum vijon të jetë aktive dhe problematike teksa mësohet se në terren po punojnë 10 forca zjarrfikëse dhe 3 punonjës të shërbimit pyjor.
Sipas informacioneve, për shkak të terrenit të thyer dhe bimësisë së dendur, forcat në terren e kanë të vështirë ta vendosin situatën nën kontroll. Kështu, Bashkia Vlorë raportohet se ka kërkuar ndërhyrje nga ajri me helikopter dhe angazhimin e 30 forcave të armatosura, me qëllim përballimin e situatës.
