Plot 14 penallti të gjuajtura dhe ndjesia që ndeshja mund të zgjaste edhe më tej. Ajo mes Suedisë dhe Anglisë nuk ka qenë vetëm një sfidë nga njëmbëdhjetë metra për të vendosur se cila nga dy skuadrat do të fitonte pastaj aksesin në gjysmëfinalet e Kampionatit Europian të futbollit për femra, por një moment që i ka zënë në befasi edhe tifozët. Asnjë nga të dy Kombëtaret nuk është dorëzuar. Nga një penallti e pritur u kalua te penallti të goditura lart, të tjera që përfunduan në shtyllë, me gabimin e bërë edhe nga portierja e Suedisë që kishte marrë përsipër përgjegjësinë për të gjuajtur.
Pra, për disa nuk ka qenë një spektakël shumë i bukur. BBC e ka cilësuar si “sekuenca më e keqe e penalltive e të gjitha kohërave”. Një mënyrë e ashpër për të përshkruar çfarë u pa dje gjatë penalltive në çerekfinale. Vetëm 9 gjuajtje nga njëmbëdhjetë metra nga 14 janë realizuar. Mjaftoi kjo për të nxitur kritikat e mediave angleze, por edhe të trajneres së Anglisë, Sarina Wiegman: “Një seri penalltish absurde. Mendova tre herë që ishim jashtë. Por ato gabuan më shumë se ne dhe jemi kualifikuar.”
Lexo më tej: Alisha Lehmann lëviz në Europian me truprojë, por te Zvicra nuk luan kurrë: çfarë bën
Edhe portierja Hannah Hampton e ka ndarë këtë mendim duke theksuar sa “stresuese ishte ta shikoje dhe stresuese ta luaje”. Dhe më pas ka deklaruar për BBC Sport: “Sa herë që prisja një penallti mendoja ‘të lutem, futeni brenda që të kemi pak avantazh’. Pastaj portierja e tyre shkonte dhe priste tjetrën dhe unë mendoja ‘o Zot, ja ku jemi’.”
I njëjti koncept i shprehur edhe nga portierja e Suedisë që më pas gaboi nga ana e saj penalltinë që goditi vetë: “Mendova të merrja disa frymëmarrje të thella dhe ta çoja topin nga e majta, por nuk e bëra. Ishte një m**der dhe pastaj mendova vetëm të prisja penalltinë tjetër.”
Fjalët e trajneres së Anglisë: “Një seri penalltish absurde”
Sipas trajneres së Anglisë megjithatë gabimet e shumta të shikuara nga pika e bardhë nga të dyja skuadrat do të kishin ardhur vetëm për shkak të lodhjes. “Mendoj se ajo i shkaktoi gabimet, intensiteti. Nuk e di. Këta lojtarë dinë të godasin një top dhe të gjithë mund të shënojnë një penallti.” Në fund ishte Lucy Bronze me një goditje të fortë që përfundoi në qendër poshtë traversës që realizoi golin vendimtar që çoi Anglinë në penallti.
Pas goditjes së saj nga njëmbëdhjetë metra të realizuar, Suedia u paraqit në pikën e bardhë me vetëdijen se nuk mund të gabonte më. Holmberg megjithatë as nuk e qëlloi portën duke e dërguar gjuajtjen e saj lart mbi traversë duke i dhënë zyrtarisht start festës angleze të gatshme për të sfiduar Italinë në gjysmëfinale.
