Një masë në një kabllo tensioni të lartë dyshohet se është shkaku i zjarrit që ra rreth mesnatës pranë nënstacionit të vjetër elektrik në Gjirokastër. Flakët përfshin menjëherë bimësinë e thatë në zonën përreth, duke krijuar rrezik për përhapje të mëtejshme dhe dëmtime në infrastrukturën energjetike.
Menjëherë pas marrjes së informacionit, ekipi i shërbimit zjarrfikës u nis drejt vendngjarjes dhe ndërhyri për izolimin e flakëve. Ndërhyrja në kohë bëri të mundur neutralizimin e rrezikut, pa pasoja për nënstacionin dhe pa cënuar furnizimin me energji elektrike në zonë.
