Sllovenia do të ndalojë hyrjen në vend të dy ministrave izraelitë të ekstremit të djathtë. Masa, e cila është e para e kësaj natyre në një vend të Bashkimit Europian, hyjnë kështu në atë që njihet ndryshe si lista non grata.
Ministri i Financave Bezalel Smotrich dhe ministri i Sigurisë Kombëtare, Itamar Ben Gvir, partnerë kryesorë të koalicionit të kryeministrit Benjamin Netanyahu, do të shpallen secili "persona non grata", tha qeveria sllovene në një deklaratë, duke i akuzuar ata për nxitje të "dhunës ekstreme dhe shkeljeve serioze të të drejtave të njeriut të palestinezëve" me "deklaratat e tyre gjenocidale".
