Juventus donte të paraprinte kthimin nga pushimet për të nisur disa ditë më herët grumbullimin në prag të sezonit 2025-2026, por nga skuadra ka ardhur një “jo” i thatë. Lojtarët bardhezi kanë refuzuar propozimin njëzëri.
Dëshira e klubit bardhezi ishte që të shkurtonte me një javë pushimet e lojtarëve, në mënyrë që të niseshin për grumbullim në mes të korrikut dhe të kishin më shumë kohë për t’u përgatitur në prag të javës së parë të kampionatit, e parashikuar për më 24 gusht. Futbollistët vendosën ta kthenin pas propozimin.
Juventus do të paraprijë grumbullimin, lojtarët refuzuan
Juventus e arsyetoi kërkesën për të paraprirë grumbullimin si një mundësi për të optimizuar përgatitjen dhe për të përballuar më mirë fillimin e sezonit të ri, por lojtarët u mblodhën dhe vendosën njëzëri ta refuzojnë propozimin. I gjithë grupi i skuadrës preferoi të ruajë programin fillestar dhe kështu skuadra bardhezi do të nisë punën për sezonin e ri futbollistik më 24 korrik.
Lexo më tej: Juventus, Bremer është gati për sezonin e ri: “AirBremer kthehet të fluturojë”
Igor Tudor, i cili do të kishte preferuar t’i rifillonte stërvitjet disa ditë më herët për të punuar pak më shumë krahasuar me sa u bë para dhe gjatë Botërorit për Klube, i ka kuptuar arsyet e lojtarëve dhe e ka pranuar vendimin e grupit dhe ka zgjedhur të mos këmbëngulë në këtë çështje. Lajmin e raporton La Gazzetta dello Sport.
Juve në punë për merkaton: kthehet Conceiçao, punohet për Sancho
Shoqëria bardhezi po punon për të përforcuar organikën e Tudor dhe, pas ardhjes së Jonathan David, është zhbllokuar edhe marrëveshja me Porton për qëndrimin në Torino të Chico Conceiçao dhe me tratativën për ardhjen e Jadon Sancho drejt përfundimit.
Operacioni me Porton për anësorin luzitan është mbyllur me pagesën e klauzolës së lirimit (30 milionë euro) duke e ndarë atë në tre këste. Sancho do të ishte i gatshëm të pranonte një pagë më të ulët vetëm për të kaluar te Juventus, me një largim të paguar nga United; por vlerësimi që bën klubi anglez është 20 milionë: bardhezinjtë nuk do të donin të shkonin mbi 10, edhe sepse lojtari ka një kontratë që skadon në 2026. Duhet punuar, por palët duken gjithnjë e më pranë dhe ndonjë largim (Nico Gonzalez ose Vlahovic) mund ta përshpejtojë të gjithë procesin.
