Një aksident është regjistruar mëngjesin e sotëm në Shkodër në lagjen “Partizani”. Sipas policisë një mjet ka humbur kontrollin dhe ka përplasur një biçikletë. Nga përplasja ka mbetur i plagosur 72-vjeçari i cili po lëvizte me biçikletë. Ai është dërguar në spital ku po merr ndihmë mjekësore. Me drejtuesin e automjetit po kryhen veprimet procedurale.
Njoftimi i policisë:
Rreth orës 08:50, në lagjen “Partizani”, shtetasi Y. D., duke drejtuar automjetin, dyshohet se ka humbur kontrollin mbi drejtimin e tij dhe për pasojë automjeti ka përplasur shtetasin Sh. B., 72 vjeç, i cili po lëvizte me biçikletë.
Nga aksidenti është dëmtuar shtetasi Sh. B., i cili ndodhet në Spitalin Rajonal Shkodër, në kujdesin e mjekëve. Me drejtuesin e automjetit po kryhen veprimet procedurale. Grupi hetimor po punon për sqarimin e rrethanave të aksidentit.
