Autori i plagosjes së 40-vjeçarit Ergyst Shtylla në Korçë, është arrestuar në Greqi. I prangosur ka përfunduar 39-vjeçari Deni (Denis) Mecolli, i shpallur në kërkim ndërkombëtar pasi Gjykata e Korçës i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.
Deni (Denis) Mecolli akuzohet se më datë 4 shkurt të këtij viti ka tentuar të vrasë Ergyst Shtyllën duke e goditur me thikë. I plagosuri u dërgua në spital me mjet privat, ndërsa në atë kohë u raportua se nuk kishte gjurmë pranë vendit të ngjarjes.
