Këshilltari i Ajatollah Ali Khameneit, Ali Akbar Velayati, ka deklaruar se Iranit është i gatshëm për të mos vazhduar me negociatat mbi programin e tij bërthamor nëse SHBA-të këmbëngulin në ndërprerjen e pasurimit të uraniumit.
"Nëse negociatat kushtëzohen me ndalimin e pasurimit, atëherë sigurisht që negociata të tilla nuk do të zhvillohe", tha ai gjatë takimit të tij me ministrin e Brendshëm pakistanez Mohsin Naqvi.
Irani dhe Shtetet e Bashkuara kishin qenë të angazhuara në pesë raunde bisedimesh që nga prilli, derisa Izraeli nisi një sulm ndaj Iranit më 13 qershor, duke çuar në luftën 12-ditore. Delegacionet e SHBA-së dhe Iranit ishin planifikuar të takoheshin më 15 qershor, por bisedimet u shtynë për shkak të luftës.
Sot, Presidenti iranian Masoud Peskov përsëriti se vendi i tij është në favor të diplomacisë në një mesazh në faqen zyrtare të internetit të presidencës.
"Ne ende besojmë se dritarja e diplomacisë është e hapur dhe ne do ta ndjekim seriozisht këtë rrugë paqësore”, shtoi ai.
Irani nuk e ka përjashtuar rifillimin e bisedimeve me SHBA-në, por, siç tha zëdhënësi i Ministrisë së Jashtme Esmail Baghai, nuk është rënë dakord për një datë apo vend për një takim midis Ministrit të Jashtëm Abbas Araghchi dhe të dërguarit të posaçëm të SHBA-së Steve Witkoff.
