Një grua nuk ndalonte së qari te memoriali i Diogo Jota, Alisson shkon ta ngushëllojë

Kanë kaluar gati dhjetë ditë nga fundi tragjik i sulmuesit të Liverpool dhe kombëtares portugeze Diogo Jota, i cili humbi jetën në moshën 28-vjeçare bashkë me vëllain e tij në një aksident rrugor, dhe dhimbja është ende shumë e fortë. Të premten Liverpool njoftoi zyrtarisht se fanella me numrin 20 e futbollistit është tërhequr (është hera e parë që Reds e bëjnë këtë për një lojtar, më parë ishte tërhequr vetëm numri 96, në kujtim të viktimave të tragjedisë së Hillsborough të vitit 1989) dhe po atë ditë bashkëshortja e portugezit Diogo Jota, Rute Cardoso, shkoi bashkë me miq dhe familjarë te memoriali i krijuar jashtë Anfield Road nga tifozët, madje nga i gjithë komuniteti i qytetit të Merseyside, për t’u bërë homazh dy vëllezërve.

Diogo Jota, një det homazhesh te memoriali në Anfield

E veja e futbollistit u gjend përballë një deti me lule, arushë, shalla, fanella dhe mesazhe. Rute vendosi lule, ashtu siç bënë edhe disa lojtarë të Liverpool të pranishëm: në përfaqësim të klubit ishin Virgil van Dijk, Joe Gomez dhe Darwin Nunez, bashkë me trajnerin Arne Slot. Edhe Alisson ishte në Anfield me bashkëshorten dhe portieri i Reds ishte protagonist i një momenti shumë prekës, kur, teksa po ecte mes mijëra homazheve të lëna për 28 vjeçarin Diogo Jota, dëgjoi një grua duke qarë me dënesë, pa mundur të ndalonte.

Rute Cardoso, Diogo Jota’s wife, visited Anfield to lay flowers alongside his Liverpool teammates and manager ? RIP, Diogo ❤️ pic.twitter.com/bOJpMK54zI

— GiveMeSport (@GiveMeSport) July 12, 2025

Gesti i bukur i Alisson: ngushëllon gruan që nuk ndalonte së qari

Portieri brazilian po ecte në një drejtim krejt tjetër, por ai vaj i pakontrollueshëm nuk mund ta linte indiferent. Alisson u ndal dhe shkoi drejt gruas me lot, për t’i sjellë ngushëllim dhe për t’u siguruar që ishte mirë. Një gjest i mrekullueshëm, që ka marrë shumë lëvdata nën videon që e bëri viral episodin. Portieri i Liverpool nuk kishte mundur të merrte pjesë në varrimin e portugezit Diogo Jota të shtunën e kaluar, por më pas kishte qenë i pranishëm në meshën e shtatë ditëve të mbajtur sërish në Gondomar këtë javë.

Alisson consoling a #LFC fan whilst laying down a flower for Diogo Jota. More than a club. ❤️‍?pic.twitter.com/g5jZoJADFb

— Class Liverpool (@ClassLFC) July 11, 2025