Kryeministri Edi Rama ka paralajmëruar shkarkime të tjera në bashkitë e vendit, pas Vlorës. Gjatë një video-live në Facebook, Rama ka deklaruar se duhet një vetëpastrim dhe vetëqetësim i brendshëm i strukturës në bashkitë e vendit. Për këtë, Rama theksoi se sot pasdite do të jenë në Fier dhe më pas në Durrës.
“Sot pasdite jemi në Fier dhe pastaj në Durrës, ku do të vazhdojmë të njëjtën përpjekje. Një vetëpastrim dhe vetëqetësim i brendshëm i strukturës. Domosdoshmëri kjo pas një periudhe të gjatë qëndrimi në të njëjtat pozicione të të njëjtëve njerëz, por edhe si rrjedhojë e domosdoshmërisë për ta parë realitetin e qyteteve tona të mëdha një realitet në transformim të vazhdueshëm. Duhen sy të freskët, duhet një përpjekje shtuar, një hov i ri, sepse 12 mandate në Fier, janë histori, e shkruar nga dhjetëra mijëra mbështes tanë në zonë, diasporë, që kërkon të vazhdojë të shkruhet si një kapitull i ri, që kanë nevojë për më shumë cilësi jete,” tha Rama.
