Lapsi Video

Aplikacioni

Android iOS
Flash

Milan hoqi dorë, Xhaka në shënjestër të Juventus: çmimi i përshtatet bardhezinjve

Lapsi.al 8 July 2025
Milan hoqi dorë, Xhaka në shënjestër të Juventus:
Juventus duhet të sistemojë mesfushën. Mbi të gjitha ka nevojë t’i ofrojë teknikut Igor Tudor një lojtar që di të bashkojë cilësitë e regjisorit me ato të ndërprerësit të aksioneve. Për këtë arsye janë bërë sondazhe me Newcastle për Sandro Tonali, me Leicester për Ndidi dhe me Tottenham për Bissouma. Në orët e fundit, sipas asaj që raporton Gazzetta dello Sport, bardhezinjtë janë futur fort në lojë edhe për zviceranin e Bayer Leverkusen, Granit Xhaka, që ishte në shënjestrën e Milan. Ideja e Juventus është t’i vihen në dispozicion trajnerit kroat të paktën edhe dy mesfushorë të tjerë, edhe pse shumëçka do të varet nga e ardhmja e Douglas Luiz, i cili dështoi në sezonin e tij të parë bardhezi por që Juve nuk do të donte ta shiste lirë. Xhaka duket se është në listën e largimeve te Bayer Leverkusen, që ka zëvendësuar Xabi Alonso me holandezin ten Hag. Shifra për ta sjellë mesfushorin me origjinë shqiptare në Torino llogaritet mes 12 dhe 15 milionë euro. Sigurisht një operacion më i përballueshëm se ai që do të sillte italianin Tonali, një emër që pëlqehet shumë në shtëpinë bardhezi, por që do të kushtonte rreth 70 milionë.

Lexo më tej: Çmimi, mosha, paga, Xhaka largohet nga Milan: vështirësitë e operacionit për Taren

Xhaka nuk është më i ri, ka 32 vjeç, por ka fituar një eksperiencë shumëvjeçare në nivele të larta, pasi ka luajtur me Basel, Arsenal dhe Leverkusen, përveçse ka marrë pjesë në botërore dhe europianë me kombëtaren e tij. Për më tepër, Xhaka duket vërtet i interesuar të provojë një eksperiencë ndryshe, pas atyre në Premier League dhe Bundesliga.

Të këshilluara

ide

MOTI TIRANA

37°c

KËMBIMI EURO

94.21

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI