Gjykata e Lartë pritet të shqyrtojë sot në orën 12:00 rekursin e Erion Veliaj, i cili kërkon lirimin nga qelia. Rekursi do të shqyrtohet në dhomë këshillimi pa praninë e palëve.
Veliaj është në hetim për korrupsion pasiv dhe pastrim parash dhe ndodhet në arrest me burg që prej 10 shkurtit.
Më 17 qershor, në seancën ku SPAK paraqiti informacionet dy mujore, GJKKO rrëzoi kërkesën për lirimin nga qelia kundrejt garancisë pasurore. Gjyqtari Erjon Bani vlerësoi se nuk ka asnjë kusht të ri për të ndryshuar masën e sigurisë. Prokuroria e Posaçme informoi gjykatën se gjatë këtyre dy muajve ka bërë 82 veprime hetimore ndaj Veliajt, të akuzuar për korrupsion, fshehje të pasurisë dhe pastrim parash.
