Zjarri ka shpërthyer tek transformatori elektrik në fshatin Kakoz, bashkia Gjirokastër. Forcat zjarrfikëse arritën të shmangin një vatër të përmasave të mëdha, aq sa do të rrezikonte godinën e këtij stacioni që furnizon gjysmën e qytetit të Gjirokastrës. Shkak i zjarrit janë bërë dy minorenë romë dhe e nëna e tyre, të cilët ishin duke kryer veprime të pakujdesshme.
Teksa arrinin në vendngjarje forcat zjarrfikëse rastësisht rrugës konstatuan një tjetër vatër zjarri në fshatin Valarë. Të dy vatrat u lokalizuan në kohë pa shkaktuar dëme të mëdha materiale apo rrezik për banorët.
