Flash

Shuhet Peter Rufai: portieri historik i Nigerisë, që karrierën e bëri në Europë

Lapsi.al 4 July 2025
Shuhet Peter Rufai: portieri historik i Nigerisë, që karrierën e
Një e enjte vërtet e keqe për futbollin botëror. Më 3 korrik vdiqën vëllezërit Diogo dhe André Jota në Spanjë, në një aksident rrugor. Ndërsa në Nigeri ka ndërruar jetë Peter Rufai, portieri historik i Nigerisë, një ikonë e futbollit afrikan që mbrojti portën e kombëtares së Super Eagles në Botërorin e vitit 1994 dhe të 1998. Rufai ishte 61 vjeç dhe ndërroi jetë pas një sëmundjeje të gjatë. Lajmin e ka dhënë federata e futbollit të Nigerisë, e cila me një postim ka shpallur lamtumirën e Peter Rufai, portier i Nigerisë në 70 raste, që mbrojti portën e Super Eagles në Kupën e Afrikës, të fituar në vitin 1994, dhe sidomos në Botërorin e USA ’94 dhe të Francës ’98. Ishte ai mes shtyllave kur Roberto Baggio shënoi dygolëshin e përmbysjes kundër Nigerisë në 1/8 e finales, duke mbyllur ëndrrën për Nigerinë që synonte në atë Botëror të përsëriste arritjet e Kamerunit. Katër vite më pas Milutinovic e konfirmoi si titullar për Botërorin e Francës, ku Super Eagles eliminuan Spanjën dhe u dorëzuan në 1/8 me Danimarkën.

Njëmbëdhjetë sezone në Europë për Rufai

Një rrugëtim i pazakontë për portierin Rufai që u detyrua të emigronte në Benin për të bërë karrierë. Arriti rezultate të rëndësishme, u rrit, fitoi dhe fitoi vendin në kombëtare. Duke qenë titullar me Nigerinë arriti të shkonte në Europë. Luajti për katër sezone në Belgjikë dhe Portugali, një sezon në Holandë dhe dy në Spanjë. Ishte portier i Lokerenit, Farenses, Herculesit dhe Deportivo La Corunës, edhe pse me bardhekaltërit nuk ishte titullar.

Të këshilluara

ide

MOTI TIRANA

29°c

KËMBIMI EURO

94.21

aktuale

Ndiqe Lapsin edhe në

Me interes nga publiku

Me sytë katër

PAPARAZZI