Yildiz përplaset me Tudor: Juventus po humbiste me Real, kroati e zëvendësoi

Në minutën e 71’ të Juventus-Real Madrid, bardhezinjtë ishin në disavantazh 1-0 dhe pra me nevojën për të përmbysur rezultatin. Në atë moment Igor Tudor bën një zëvendësim që jo vetëm i lë të habitur ata që janë para televizorit për të ndjekur të tetën e finales së Botërorit për Klube, por edhe vetë të interesuarin. Kenan Yıldız, protagonist i një ndeshjeje të mirë sidomos në pjesën e parë, nuk pret kurrë të dalë: talenti turk 20-vjeçar nuk e konsideron se e meriton të zëvendësohet (me Koopmeiners) dhe fjalët që i drejton trajnerit e tregojnë shumë mirë këtë.

Reagimi i Yildiz ndaj Tudor në momentin e zëvendësimit

Nuk kuptohet çfarë thotë Yildiz, por shprehja e fytyrës së tij dhe toni që përdor duke iu drejtuar pankinës tregojnë qartë se nuk është aspak dakord me vendimin e Tudor-it. Ajo që është e sigurt është se nuk bëhej fjalë për një zëvendësim për shkak dëmtimi, por për një zgjedhje të diktuar nga arsye të tjera.

Tudor richiama Yildiz in panchina ⚠️ Il turco non gradisce il cambio ?#Yildiz #Tudor #RealMadrid #Juventus #FIFACWC #DAZN pic.twitter.com/jIqq0JPB6P

— DAZN Italia (@DAZN_IT) July 1, 2025

I pyetur për këtë çështje pas ndeshjes, Tudor gjithsesi nuk foli për zgjedhje teknike, duke shpjeguar se zëvendësimi i mesfushorit ofensiv turk ishte bërë për arsye parandaluese: “Ishin dhjetë që donin zëvendësim. E bëri edhe Yildiz? Për të menduam se mund të dëmtohej, pastaj ishin dy me krampa dhe kisha frikë të mbetesha me një më pak. U luajt në kushte të çmendura.” Trajneri bardhezi e komentoi pa dramë humbjen 1-0 me Realin që i dha fund aventurës së Juves në Botërorin për Klube: “Ndjesia është e keqe sepse kemi humbur. Ka pak keqardhje, por edhe kënaqësi për atë që dhanë djemtë në një ndeshje super të vështirë me një kundërshtar të këtij niveli, dhanë gjithçka. Real Madrid është nivel i parë, janë vdekjeprurës kur dalin në kundërsulm, është e vështirë t’i ndalosh. Dy skuadrat e fundit që kemi përballuar, City dhe Real, janë maksimumi në këtë planet. Është një përvojë e mirë për lojtarët, që mund të shohin ku janë, tani duhet të pushojnë mirë dhe pastaj të rifillojnë.”