Anglia bis me 21 vjeçarët, është kampione e Europës: Gjermania dorëzohet në shtesë

Anglia e përsërit suksesin e vitit 2023 dhe konfirmohet Kampione e Europës U-21. Në finalen e Bratislavës britanikët fitojnë 3-2 kundër Gjermanisë në fund të kohës shtesë. Kombëtarja e Carsley kalon përpara në minutën e 5-të me Elliott, pastaj në të 24-tën dyfishimi nga Hutchinson. Djemtë e Di Salvo rikthejnë ndeshjen me Weiper (46’) dhe Nebel (61’), por në fillim të kohës shtesë (92’) Rowe i dhuron fitoren anglezëve.

Anglia nisje perfekte, Gjermania rikuperon dy gola

Pas suksesit të vitit 2023 me rezultatin 1-0 kundër Spanjës, Anglia mbron titullin dhe konfirmohet Kampione e Europës U-21. Finalja kundër Gjermanisë është një “rollercoaster” emocionesh, por për anglezët ndeshja nis menjëherë mirë: në minutën e pestë Elliott zhbllokon takimin dhe firmos 1-0. “Tre Luanët” janë plotësisht zotër të fushës, me kundërshtarët që hasin vështirësi të reagojnë. Në minutën e 24-tërt britanikët dyfishojnë: aksion i nisur nga Elliott, i përpunuar nga McAtee dhe i finalizuar me diagonalen fituese nga Hutchinson. Formacioni i Di Salvo duket i nokautuar, me rivalët që rrezikojnë disa herë golin e tretë. Në minutën e 46-të, pak para fishkëllimës së dyfishtë, vjen shkëndija që rindez finalen: krosim i Nebel nga e majta dhe goditje me kokë e fuqishme nga Weiper, që e rihap gjithçka para pushimit.

FULL-TIME IN BRATISLAVA!!

OUR #YOUNGLIONS ARE BACK-TO-BACK EUROPEAN CHAMPIONS! ???????? pic.twitter.com/nnMwbKy03U

— England (@England) June 28, 2025

Pas pushimit në dhomat e zhveshjes anglezët janë më të frikësuar, ndërsa gjermanët gjejnë më shumë kurajë: në orën e lojës barazia rikthehet, me Nebel që shndërrohet nga asistent në golashënues për 2-2 gjysmë ore nga fundi. Të dyja skuadrat duket se duan të mbrojnë ekuilibrin në pritje të shtesës, por në minutën e 93-të Gjermania shkon një hap larg titullit: Nebel gjen topin në kufi të zonës, por e djathta e tij përplaset në traversë. Në fishkëllimën e tretë rezultati është 2-2.

Rowe futet në shtesë e zgjidh finalen

Carsley hedh në fushë Nwaneri dhe Rowe për shtesën, dhe zëvendësimet vendosin sfidën: në minutën e 92' kur krosimi me hark i Morton gjen zhytjen me kokë të Rowe, që shënon 3-2. Gjermanët në minutat e mbetura provojnë në çdo mënyrë ta çojnë të paktën në penallti, por fati nuk është në anën e tyre: në minutën e 120-të, saktësisht si në kohën e rregullt, Rohl godet një traversë të plotë, me sfidën që mbyllet në 3-2 përfundimtar. Anglia është Kampione e Europës U-21 për herë të katërt në historinë e saj, e dyta radhazi (sukses në 2023 kundër Spanjës). Edhe dy fitoret e mëparshme kishin ardhur radhazi, gjithmonë kundër Spanjës dhe Gjermanisë, por në rend të kundërt (1982 Gjermania, 1984 Spanja).