Një aksident me vdekje është regjistruar në lagjen nr. 4, Durrës. Një 26-vjeçar ka rënë në prangat e policisë pasi përplasi me makinë një 80-vjeçar,
I moshuari ka ndërruar jetë menjëherë si pasojë e plagëve të marra. Ndërkohë paraprakisht dyshohet se viktima i preu rrugën të riut.
"Specialistët e Qarkullimit Rrugor arrestuan në flagrancë shtetasin O. P., 26 vjeç, banues në fshatin Rrashbull, pasi në lagjen nr. 4, Durrës, duke drejtuar automjetin, ka aksidentuar shtetasin Q. L., 80 vjeç, banues në Durrës, këmbësor, i cili për pasojë ka humbur jetën. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.", njoftoi sot policia.
