Një 33-vjeçar, pjesë e grupit që shpërndante drogë në lokalet e natës të zonës së ish-Bllokut, ka rënë në prangat e policisë së Tiranës. Ndaj tij është caktuar masa e sigurisë “Arrest në burg”, për veprën penale “Prodhimi dhe shitja e narkotikëve”.
Deri më tani në kuadër të operacionit “Blloku 33” janë vendosur në pranga 27 persona, ndërsa në kërkim vijojnë të jenë edhe 6 të tjerë. Në mesin e të arrestuarve ka banakierë dhe kamerierë, pasi dyshohet se ishin të përfshirë në aktivitetin e paligjshëm. Klientët ishin persona VIP dhe frekuentuesit e jetës së natës.
