Irani paralajmëron se përfshirja e Shteteve të Bashkuara të Amerikës në luftën e Iranit me Izraelin do të çojë në një “luftë të përgjithshme” në Lindjen e Mesme.
Ministri i Jashtëm iranian, Esmail Baghaei në një intervistë për ‘Al Jazeera’ u pyet në lidhje me ndërhyrjen e mundshme të SHBA-së në konflikt, ku u përgjigj se nuk mendon se SHBA mund të kontrollojë Izraelin.
Kujtojmë se presidenti i SHBA, Donald Trump po shqyrtonte opsionet që kishte për të vendosur trupa në Lindjen e Mesme – përfshirë një sulm të mundshëm ndaj Iranit.
Një ambasador iranian në OKB tha gjithashtu se vendi i kishte thënë Uashingtonit se do të reagonte me vendosmëri nëse përfshihej drejtpërdrejt në fushatën e Izraelit.
“Ne nuk do të tregojmë asnjë hezitim në mbrojtjen e popullit, sigurisë dhe tokës sonë. Ne do të përgjigjemi seriozisht dhe fuqishëm, “, tha Ali Bahreini.
