Lapsi Video

Aplikacioni

Android iOS
Flash

PE pret ndryshimin e ligjit për zonat e mbrojtura deri në fund të vitit

Edhe pse qeveria dhe mazhoranca socialiste nuk kanë ndërmarrë asnjë hap për shfuqizimin e neneve që i hapën rrugë betonizimit të zonave të mbrojtura, eurodeputetët kërkojnë që rishikimi i ligjit të bëhet deri në fund të vitit si detyrim ndaj negociatave për anëtarësim në BE.

16:46

Gjesti absurd i kapitenit të Urawa: Hoibraten refuzoi të përshëndesë lojtarët e River

Lapsi.al 18 June 2025
Gjesti absurd i kapitenit të Urawa: Hoibraten refuzoi të
Debutimi i Urawa Red Diamonds në Kupën e Botës për Klube u mbush me siklet që përpara se të niste ndeshja. Kapiteni Marius Hoibraten u bë protagonist i një momenti që la të habitur të gjithë tifozët: duke hyrë në fushë së bashku me skuadrën e tij, ai injoroi plotësisht lojtarët e River Plate që ishin rreshtuar për të përshëndetur kundërshtarët. Të gjithë të tjerët shtrinë dorën, siç ndodh zakonisht përpara fillimit të ndeshjes si gjest fair play, por kapiteni u kthye nga ana tjetër ndaj të gjithë klubit argjentinas, duke kaluar pa ngritur as kokën. Një sjellje e pashpjegueshme që la të gjithë pa fjalë. Nuk ka ndonjë precedent mes dy skuadrave, e aq më pak midis mbrojtësit dhe River Plate, duke qenë se Hoibraten e ka kaluar pothuajse të gjithë karrierën në Norvegji, pa luajtur kurrë në Amerikën e Jugut. Askush nuk e shpjegon dot se çfarë ndodhi dhe cili ishte motivi i vërtetë i kësaj armiqësie ndaj kundërshtarëve të parë që ndeshi në këtë kompeticion.

Kapiteni i Urawa Red Diamonds injoron lojtarët e River Plate

Një qëndrim kaq i çuditshëm nuk ishte parë më parë: ndërsa të gjithë lojtarët e Urawa Red Diamonds shtrinë dorën për të përshëndetur lojtarët e River Plate, kapiteni Hoibraten refuzoi t’i përshëndeste kundërshtarët dhe u kaloi përpara pa ngritur as sytë. Një gjest shumë i çuditshëm që i la të gjithë të habitur, duke nisur nga mbrojtësit Germán Pezzella dhe Gonzalo Montiel, që ishin më afër kamerave dhe treguan një shprehje të habitur. Një lloj provokimi i dështuar, sepse mes norvegjezit dhe River Plate nuk ka asnjë konflikt, dhe mbi të gjitha sepse u pasua nga një paraqitje shumë e keqe në fushë: Hoibraten bëri një gabim të rëndë në golin e dytë të argjentinasve, kur pasoi topin te portieri i tij pa e kuptuar që një kundërshtar ndodhej pas tij. Gafa dhe humbja pasuese e bënë edhe më të pakuptueshëm sjelljen e tij para fillimit të ndeshjes, një gjest që vazhdon të mbetet pa shpjegim.

Të këshilluara

ide

Haga, si përfundim i një epoke të gjatë yes man-izmi

Nga drama e 16 shtatorit, që po rekemi ta konsumojmë si popujt primitivë me lotë, mallkime, ofshama dhe qurravitje duhet të dimë të nxjerrim një mësim: Këtej e tutje askush nuk do të na rrespektojë, po nuk ditëm të respektojmë vetveten. Sepse verdikti i asaj gjykate të instrumentalizuar erdhi si pasojë e servilizmit tonë të verbër ndaj perëndimit

16:25 Andi Bushati

Gënjeshtra e rezorteve elitare

Në Sazan edhe në Zvërnec qeveria po financon komplekse luksoze banimi që do pasurojnë ndërtues lokal dhe ndërkombëtarë, herë duke i hequr taksat, herë duke i çuar infrastrukturë dhe herë duke privatizuar tokën dhe plazhet publike

13:55 Blendi Kajsiu

MOTI TIRANA

22°c

KËMBIMI EURO

91.49

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI