Izraeli dhe Irani kanë nisur një valë të re sulmesh gjatë natës kundrejt njëri-tjetrit. Të paktën 5 persona janë vrarë dhe mbi 100 të tjerë janë plagosur nga sulmet e fundit iraniane në Izrael.
Sipas La Repubblica, dy gra dhe një burrë rreth të 70-ave vdiqën në Petah Tikva, ndërsa një burrë rreth të 80-ave u vra në Bnei Brak.
Ushtria izraelite tha se goditi qendrat e komandës në Teheran që i përkisnin Forcës Quds të Iranit, krahut të operacioneve jashtë vendit të Korpusit të Gardës Revolucionare Islamike.
Nga ana tjetër, raportohet se Irani ka shënjestruar qendrat e komandës së Forcave Izraelite të Mbrojtjes. Teherani deklaroi se ka goditur me sukses me një breshëri raketash në disa qytete, duke premtuar sulme edhe “më shkatërruese” kundër objektivave izraelite.
Siç raporton La Repubblica, nga sulmet izraelite me raketa Spike në Lavizan dhe Narmak thuhet se u vranë zyrtarë të lartë.
Gjithashtu thuhet se u sulmua edhe baza ushtarake Bidgoneh në qytetin Malard, pranë Teheranit. Shpërthime në shkallë të gjerë u raportuan gjithashtu në Qom, pranë centralit bërthamor Fordoë.
Dy ndërtesa të larta banimi u goditën drejtpërdrejt nga raketat e lëshuara nga Irani në zonën Dan të Izraelit qendror.
