Ish-deputeti Halit Valteri është thirrur si dëshmitar në procesin gjyqësor ndaj Plarent Dervishit dhe Julian Meces, të akuzuar për atentatin ndaj ish-prokurorit Arjan Ndoja. Në atë kohë, Valteri bëri disa deklarata dhe publikoi pamjet në Kuvend nga atentati.
Në pamje, Valteri tha se duken qartazi dy autorë të angazhuar për atentatin ndaj ish-prokurorit të Durrësit, Arjan Ndoja. Në atë seancë plenare, Valteri replikoi me ish-ministrin e Brendshëm, Sandër Lleshaj dhe kryeministrin Edi Rama.
Ngjarja ndodhi në nëntor të vitit 2019 pranë Shkozetit në Durrës, ku mbetën të plagosur Ndoja dhe shoferi i tij Andi Maloku i cili ndërroi jetë pak ditë më vonë. Ish-prokurori Ndoja shoqërohej në makinë edhe me Aleksandër Laho, apo i njohur si “Rrumi i Shijakut”.
