Lothar Matthäus vazhdon të surprizojë. Ish-kampioni i botës dhe legjenda e futbollit gjerman sot është 64 vjeç. Figurë referuese në futbollin gjerman dhe shpesh i pranishëm në evente sportive të rëndësishme të lidhura me Gjermaninë, së fundmi është bërë temë e mediave për shkak të një historie të re dashurie të supozuar. Ditët e fundit, Matthäus është fotografuar disa herë me një të dashur të re, 38 vjet më të re se ai. Dashuria nuk ka moshë, kjo është e qartë, por pamja e ish-futbollistit në shoqërinë e një gruaje kaq më të re ka shkaktuar bujë në Gjermani, sidomos për shkak të njohjes publike të saj.
Bëhet fjalë për Theresa Sommer, 26 vjeçe, e cila punon si modele. Sipas faqes së saj në LinkedIn, Sommer ka studiuar ekonomi dhe menaxhim në King’s College në Londër, përpara se të regjistrohej në psikologji në Durham University. Një diferencë kaq e madhe moshe nuk është e pazakontë për fituesin e Topit të Artë, i cili më parë ishte divorcuar nga gruaja e tij e mëparshme, Anastasia Klimko, me të cilën kishte një diferencë moshe prej 27 vitesh. Nëse Matthäus ishte një kampion absolut në fushën e lojës, në jetën private ai ka pasur pesë divorce dhe tani duket se është gati të hapë një kapitull të ri.
Matthäus pak ditë më parë përpara finales së Nations League
Në prill, Theresa Sommer dhe Matthäus janë parë duke ndjekur një garë ski për personazhe të njohur në Ischgl, Austri. Por nuk është vetëm kjo – dyshja u panë së bashku edhe në “Allianz Arena” të Mynihut për gjysmëfinalen e Gjermanisë kundër Portugalisë në Nations League, si dhe për finalen mes Spanjës dhe Portugalisë katër ditë më pas. Ndërkohë, ata janë filmuar gjithashtu bashkë në makinë, teksa shkonin në një event. Momente të zakonshme jete për një çift që duket se po përjeton fazat e para të një lidhjeje të re.
Lexo më tej: Thuram e miqësia me ish-gruan e Matthäus: e fton në San Siro, Kristina Liliana e falenderon
Matthäus dhe pesë martesat e tij të përfunduara me divorc
Gjatë garës së skive, të dy deklaruan për A2 Television: “Kemi ardhur për të bërë ski, pjesa tjetër është çështje private.” Asgjë për t’u thënë, pra, lidhur me marrëdhënien e tyre të supozuar. Por për publikun gjerman kjo duket të jetë thjesht një kuriozitet. Fituesi i Kupës së Botës më 1990 është martuar pesë herë, por asnjë nga këto martesa nuk ka pasur një fund të lumtur. Pavarësisht gjithçkaje, Matthäus ka katër fëmijë. Martesa e tij e pestë përfundoi katër vjet më parë, pas divorcit nga Anastasia. Tani, Theresa Sommer duket se i ka rrëmbyer zemrën sërish.
