Janë zbuluar detaje të reja lidhur me ngjarjen e rëndë që tronditi fshatin Xibër të Klosit mbrëmjen e djeshme, ku 65-vjeçari Selim Velsula humbi jetën si pasojë e një sulmi me thikë.
Mësohet se autori i vrasjes është kushëriri i 65-vjeçarit, i cili u arrestua në shtëpinë e vëllait të tij në zonën e Alliasit në Tiranë.
Sipas burimeve, ai ka telefonuar motrën e tij duke i thënë që ka vrarë një person. Ka qenë e motra e autorit e cila ka njoftuar policinë, që më pas ka rrethuar zonën në Allias ku ishte fshehur Hazbi Velsula dhe e kanë vendosur në pranga.
Policia njoftoi një ditë më parë se 65-vjeçari u gjet i pajetë pranë pronës së tij. Nga këqyrja paraprake, janë konstatuar dëmtime të shkaktuara dyshohet nga mjet prerës.
