Të shtëna me armë zjarri janë raportuar në zonën e “Ali Demit”, në Tiranë. Ngjarja ka ndodhur mbrëmjen e djeshme, gjatë një konflikti mes disa personave.
Policia ka gjetur dy gëzhoja në vendngjarje, ndërsa ka nisur hetimet për zbardhjen e rrethanave.
Burime bëjnë me dije se ngjarja ka nisur nga nje konflikt mes disa të rinjve në zonën e Ali Demit. Ndërkohë që nuk ka munguar dhuna fizike dhe kërcënimi me armë zjarri. Dyshohet se është qëlluar me armë zjarri në ajër gjatë konfliktit, teksa personat e përfshirë nuk janë identifikuar ende.
