Miliarderi amerikan, Elon Musk ka bërë një hap pas në përplasjen e tij me presidentin amerikan Donald Trump, duke u shprehur se i vjen keq për disa prej komenteve bëri një javë më parë në rrjetet sociale.
“Pendohem për disa nga postimet e mia për presidentin Trump. E teprova.”
Një nga postimet më të diskutueshme kishte të bënte me pretendimin se emri i Trump ndodhej në dosjen e lidhur me Jeffrey Epstein – një publikim që më pas u fshi nga vetë Musk. Deklarata vjen në një kohë kur tensionet mes Musk dhe Trump ishin rritur ndjeshëm, por duket se kreu i “X” po kërkon të ulë tonet dhe të shmangë përshkallëzimin e përplasjes publike.
