Kryetari i Partisë Demokratike, Sali Berisha është thirrur për t'u paraqitur sot në orën 10:00 në Prokurorinë e Posaçme, lidhur me kallëzimin e bërë për shpifje nga gjyqtarja Irena Gjoka.
Çështja lidhet me akuzat që ka bërë vetë Berisha ndaj magjistrates, por edhe me ato të vajzës së tij, Argita Berisha vitin e kaluar, se Gjoka kishte marrë rrushfet 500 mijë euro nga një eksponent i PS-së. Avokati i Berishës, Genc Gjokutaj ka konfirmuar lajmin duke ironizuar me shkrimin: "historikisht keshtu ndodh rëndom me Drejtësinë shqiptare: Hajduti bërtet kapeni hajdutin".
